A PONTE
Éxodo xuvenil
09:45 08/08/2008
A nosa Comunidade recibe cada ano un bo número de inmigrantes, se ben dentro do conxunto de España somos unha das comunidades de menor afluencia, tanto se o medimos en valores absolutos como relativos. A grande maioría dos que veñen son persoas con escasa cualificación que esperan atopar aquí unha oportunidade de traballo.
Cada vez vanse facendo máis visibles nas nosas cidades e pobos e van cambiando o rostro urbano, facendo así crible a idea que se veu instalando entre nós de que deixamos de ser ese país de emigrantes que a historia de forma contundente e inequívoca deixou claro.
Sendo en boa medida certo, diversos datos veñen poñendo ao descuberto, facéndoo cada vez máis visible, outro aspecto da nosa realidade que relativiza esa idea e que non tendo a importancia cuantitativa que o fenómeno da emigración tivo entre nós, se a ten, ao menos cualitativamente e, ademais, con grande transcendencia para o futuro.
Cara a Madrid e Barcelona
Dende fai xa anos - polo tanto non é un efecto da crise económica que estamos a atravesar neste momento- o % de novos cualificados que se ven obrigados a emigrar dentro do conxunto total de cidadáns e cidadás que se van traballar fóra de Galicia, representa o 65% dos 20.000 que anualmente optan por saír, entre os anos 2001-2006 (Véxase La Voz de Galicia, 31 de xullo de 2008). Estamos a falar, pois, de novos que forman parte das xeracións mellor formadas. Éxodo de man de obra cualificada que se produce, principalmente, a Madrid e Barcelona. Atopan alí a oportunidade que aquí non teñen, ou maior expectativa.
Segundo datos da Encuesta Anual de Costes Laborais (INE), en 2007, o custo neto por traballador que tivo que pagar o empresario en España foi de 27.406 €; en Galicia, 4.000 € menos que a media (23.598,5 aquí) pero esta diferenza increméntase notablemente se comparamos o custo na nosa Comunidade con Barcelona e Madrid que chega ata os 10.000 € de diferenza, é dicir, ¡ sobre un 40% menos aquí ¡.
É necesario analizar qué outros factores poden influír para que se produza este éxodo, dando por suposto o salarial. É frecuente escoitar as queixas do alumnado en prácticas ou con bolsas de empresa de que, con regularidade, teñen que realizar labores rutineiros que non esixen cualificación e que nada teñen que ver coas tarefas propias polas cales se xustifica o o seu contrato en prácticas.
Cuestións de aprendizaxe, autorrealización ou expectativas poden ter a súa influencia. Ou simplemente buscan unha oportunidade que, como diría Marx, lles permita ser o menos hostís cara ao que fan, para selo menos cun mesmo.
En calquera caso atopámonos ante un fenómeno de extraordinaria importancia sobre o que haberemos de tomar a conciencia necesaria pois o que máis riqueza xera nunha sociedade, no presente e no futuro, é a súa capacidade para manter o seu capital humano.
Sen comentarios
Novo comentario
É preciso que te rexistres para poder participar en Vieiros. Desde a páxina de entrada podes crear o teu Vieiros.
Se xa tes o teu nome en Vieiros, podes acceder dende aquí:
Se xa tes o teu nome en Vieiros, podes acceder dende aquí:
Eduardo Rego
Eduardo Rego Rodríguez (Santiago de Compostela, 1955). É profesor titular de Socioloxía na Universidade da Coruña, onde imparte a materia de Socioloxía Política.
Máis opinións
- Monólogo dende o desgoberno (05/01/2010)
- Abuso e tortura de menores (17/12/2009)
- Contrarreforma (19/11/2009)
- ¡ Políticos que se corrompen a si mesmos! (04/11/2009)
- Trampa de sedución (21/10/2009)
- Unha lección olímpica (07/10/2009)
- Outro 25 de xullo. Pero distinto (25/07/2009)
- Neglixencia profesional? (18/07/2009)
- Persoa ou cidadáns: caridade ou xustiza social (11/07/2009)
- ¡Un presidente valente¡ (04/07/2009)
- A caída do tigre celta e as recomendacións de Jean- Claude Trichet (27/06/2009)
- Contención salarial (20/06/2009)
- Quen gañou? (13/06/2009)
- "¡ Boberías!" (06/06/2009)
- Vale a pena votar o 7 de xuño? (30/05/2009)
- Territorio e identidade (23/05/2009)
- Buscar alternativas a todos os Berlusconi (15/05/2009)
- É xusta a liberdade de elección? (09/05/2009)
- Unha petición ao arcebispo Julián Barrio (02/05/2009)
- Como se nada pasase (25/04/2009)
- R. Kennedy, o PIB e a política progresista (18/04/2009)
- Como unha piña (11/04/2009)
- Os gobernos e a crise (04/04/2009)
- Son os gobernos de coalición unha excepción? (21/03/2009)
- A quimera do centro político (14/03/2009)
- Autismo (07/03/2009)
- ¿Pasa a xuventude? (28/02/2009)
- Se a campaña electoral fose como as teleseries! (21/02/2009)
- O PP e a súa rebaixa de impostos (14/02/2009)
- Incerteza (07/02/2009)
- De enquisas (31/01/2009)
- Electorado refugable (26/12/2008)
- E despois da prestación por desemprego, ¿que? (24/11/2008)
- Espertar do soño (28/10/2008)
- ¿Man invisible ou burato negro do capitalismo? (30/09/2008)
- Deixar as consecuencias en mans de Deus (07/09/2008)
- Laicismo líquido (10/07/2008)
- A UE e as 65 horas (12/06/2008)
- “Non no meu patio traseiro” (25/05/2008)
- Opacidade e mafias (30/04/2008)
- O que nos vén enriba (14/04/2008)
- 9M: Galicia (13/03/2008)
- Postdemocracia e eleccións (26/02/2008)
- O poder sen límites... (06/02/2008)
- Choque de mentalidades (22/01/2008)
- Meten medo (03/01/2008)
- Eleccións a reitor na UDC (30/11/2007)
- Algunha lección a partir do Prestige? (13/11/2007)
- Aguiño: Contra Goliath (29/10/2007)
- Crear resentimentos (11/10/2007)
- Efectivizar o cambio galego (20/09/2007)
- Pleno emprego, subempleo e precariedade (06/09/2007)
- Pequenas/grandes heroínas (19/07/2007)
- Non é relixión, é política (05/07/2007)
- Un cambio político histórico. (19/06/2007)
Canais:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto