Vieiros

Dende este espazo animamos aos nosos lectores a ir entrando en calor, partillando momentos vividos ao lado dos nosos, no curto período de vida que teñen as irmandiñas dende que debutara a masculina no ano 2005. Agardamos que nos faledes de sensacións, sentimentos ou impresións que seguen nítidas na vosa memoria agardando a ser evocadas para, entre todos, ir acendendo a paixón irmandiña que vai asolagar Riazor o día 27 e Pasarón o 28.

O 29 de Decembro do ano 2005 comezou en Compostela unha nova etapa para o fútbol galego coa recuperación da selección nacional. Riazor foi o seguinte paso, e en Balaidos subimos outro chanzo co nacemento da selección nacional feminina. Agora abrimos este espazo para que, aqueles que vivistes esta nova reviravolta da historia que levamos tres anos escribindo, compartades os recordos que se foron afianzando no pouco tempo que pasou.

• "A xente debería poder xogar coa selección que quixese" (Entrevista a Gurutze Fernández, xogadora de Euskadi)
  

• "Galiza daría guerra nun mundial" (Entrevista a Borja Oubiña)

• "Sempre tiven ganas de ir coa selección" (Entrevista a Nacho Novo)

• "Defender as cores de Galiza é o máis grande que che pode pasar" (Entrevista a Mari Paz Vilas)

• "A portería da irmandiña está hoxe ben defendida" (Entrevista a Roberto Fernández)

• "No fútbol feminino galego fomos sempre catro amigas" (Entrevista a Verónica Boquete)

• "Oxalá algún día poidamos ver a Galiza competindo nun mundial" (Entrevista a Xosé Emilio Viqueira)