Edición xeral
Noa Presas e Ínhigo Ansotegi encabezarán as dúas listas alternativas á Dirección Nacional de Galiza Nova
Só falta por se desvelar quen encabezará a lista da Alternativa pola Unidade. Porén, todo apunta a que será actual secretaria xeral, Iria Aboi.
Ínhigo Ansoategui, encabeza a lista dos mozos próximos a 'Máis BNG'
Tal e como adiantara este diario hai un mes, Galiza Nova celebrará esta fin de semana a súa XI Asemblea Nacional con tres listas: a Alternativa pola Unidade-Mocidade (apoiada pola UMG); a de 'Proposta Militante' (nucleada arredor de Isca); e a de Entre tod@s Galiza Nova (impulsada por 'Máis BNG'). As dúas últimas plataformas desvelaron aos seus cabezas de cartel: Noa Presas ('Proposta Militante') e Ínhigo Ansotegi ('Entre tod@s, Galiza Nova). Falta por anunciar publicamente quen liderará a candidatura da Alternativa pola Unidade, aínda que se dá por feito que a actual secretaria xeral de Galiza Nova, Iria Aboi, vai ser a elixida.
Porén, até o momento só 'Proposta Militante' deu a coñecer a lista completa á Dirección Nacional. Ademais de Noa Presas, figuran nos primeiros postos: Laura Arjonilla, Breixo Lousada, Francisco Cortez-Lobão, Antía Fernández, Laura Rodríguez, Tirso Fernández e Macías López.
Poden ver aquí a candidatura completa e o programa que presentou este martes 'Proposta Militante'.
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto