Vieiros

Os servizos e rescate italiano terminarán este domingo os labores de busca de superviventes do terremoto que se produciu a pasada segunda feira na cidade de l'Aquila, na rexión do centro do país. Hai días que foi esmorecendo a confianza en atopar a máis persoas vivas entre os cascallos, porén, si foron atopados, conforme pasaban os días, os cadáveres de varias vítimas mortais.

O número total de falecidos chegou aos 294, e hai, ademais, un milleiro de persoas feridas e unhas 25 mil evacuadas, durmindo en campamentos. As estimacións provisionais falan de 10 mil predios destruídos.

As réplicas, que segundo os expertos poderían durar meses, dificultaron, en todo momento, os labores de rescate.

No sábado o primeiro ministro italiano, Silvio Berlusconi, anunciaba a creación dunha liña de axudas para os damnificados, e o apoio recibido da comunidade internacional para reconstruír a zona afectada polos sismos.

Máis información nos xornais italianos:

• La Repubblica: Pasqua nelle tendopoli / Non si scava più: 294 i morti
• Corrirere della sera: Pasqua tra gli sfollati e le macerie / Berlusconi: "Presto fuori dalle tende"
• La Stampa: Pasqua nelle tendopoli e tra le macerie / Si aggrava il bilancio: 294 i morti
• Il Centro (xornal da rexión de Abruzzo): Terremoto, la Pasqua dei quarantamila sfollati. Il bilancio è di 300 morti, trovati i dispersi