Vieiros

Giana Gomes, que permanecía na cadea dende xullo de 2005 acusada de colocar unha bomba nunha sucursal de Caixa Galicia en Santiago, quedou en liberdade na tarde deste luns.

O colectivo Ceivar confirmou a liberación da independentista pontevedresa aínda que recoñeceu que até o de agora os datos son moi confusos. A liberdade podería deberse a que a Audiencia Nacional tivese decidido absolvela de todos os cargos que se lle imputaban ou a que a condea que se lle tivese imposto é menor có tempo de estancia na cadea. Familiares e membros de Ceivar prepáranse para acudir esta mesma noite a Madrid, até o presidio de Soto del Real, a recoller a Giana Gomes.

Hai que lembrar que a Fiscalía solicitaba nun principio unha pena de 19 anos de cadea polo atentado contra a entidade financeira e 21 anos para Ugio Caamaño. Este último sempre exculpou dos feitos a Giana Gomes.