Vieiros

O equipo galego de veteranos do rugby (composto por ex xogadores do CRAT Coruña, do Veteranos de Ferrol e doutros clubes, como o Mareantes de Pontevedra) destacou no IX Campionato de Europa de Rugby para Veteranos, os Golden Oldies.

Os galegos, que pasaron a fin de semana en Madeira, competindo, volveron con dúas vitorias (fronte ao Evora e ao Geležinis Vilkas de Lituania), un empate (contra o Civitavecchia de Roma) e unha derrota (ante o Cascais, un dos anfitrións portugueses, que ademais tiña aliñados a varios ex internacionais, da selección lusa).

O combinado dos veteranos galegos fixo unha boa primeira incursión nun campionato internacional, berrando "Suar e empurrar!", e gañou un convite para participar, en 2010, no vindeiro torneo dos Golden Oldies, que se ha desenvolver no País de Gales.