Vieiros

Un milleiro de persoas autoincúlpanse por abortar ou por apoiar a interrupción

A Marcha Mundial das Mulleres chamou a "estar preparadas" ante calquera acción que poida significar unha perda de dereitos: "Ningún dereito está conseguido de xeito infinito".

• Día Internacional da Muller: Especial informativo de Vieiros

As limpadoras do Concello compostelán cumpren corenta días en folga

As traballadoras da empresa ISS, que realiza as laboras de limpeza do Concello de Santiago, levan máis dun mes en folga demandando a equiparación salarial con respecto ao persoal do Concello. Este 8 de marzo van xa corenta días que levan manifestándose na Praza do Obradoiro todas as mañás.

Luis Tosar faille homenaxe musical ás mulleres

‘The ellas’, (pronunciado ‘di ellas’), dicían os poucos carteis que anunciaban a posta de largo en Vigo da nova formación liderada por Luís Tosar. Vieiros achégavos vídeos e mp3 con mostra da potencia do grupo.

As mulleres nos medios centran unhas xornadas en Compostela

Con motivo da conmemoración do Día Internacional da Muller Traballadora, o Club Internacional de Prensa organiza dúas actividades: unha mesa-debate o día 7 ás 18.00 na Facultade de Xornalismo abordará o papel das mulleres nos medios de comunicación, e unha conferencia, o xoves 8 ás 20.30 na Fundación Caixa Galicia leva por título 'Publicidade. Feminino Singular'

Conferencias, teatro e cinema en Vigo

Ao longo desta semana haberá varios actos en toda Galiza para conmemorar o Día da Muller Traballadora, este 8 de marzo. Na cidade olívica terán lugar charlas, escenificacións teatrais, e a proxección do documental de Mulheres Nacionalistas Galegas, 20 anos desafiando o patriarcado.

A explotación das mulleres do téxtil, na Mariña

A exposición Maquila Boutique e unha mesa redonda integran as actividades coas que Implicadas no Desenvolvemento celebra o 10 de marzo, Día da Clase Obreira Galega, e lembra o 8, Día da Muller Traballadora. Hai anos, centos de mulleres morrían nunha fábrica de roupa estadounidense por reclamaren os seus dereitos. Tempo despois, o téxtil segue a ser un sector feminizado no que a explotación é a tónica.

"As medidas da igualdade deben ser algo máis ca un simple parche"

O 8 de marzo preséntase o V Plan Galego de Igualdade de Oportunidades entre Mulleres e Homes na Xunta. Xa se puxeron en marcha medidas como os salarios da liberdade, a implantación da rede de galescolas e as campañas pola corresponsabilidade, e agora a Secretaría Xeral de Igualdade da Xunta presenta unha iniciativa transversal, que afecta a todos os ámbitos. Carme Adán falou con Vieiros no día previo a esta data clave sobre a situación das mulleres galegas, as necesidades e as medidas que achega o Plan.

Derrubaron o Ungdomshuset, mais fican en pé os seus alicerces

As recentes revoltas de Copenhague polo derrubamento do edificio Ungdomshuset (Casa da Xuventude), ocupado durante dúas décadas por xoves activistas de esquerdas, foron portada nos xornais de medio mundo. Mais, poucos recolleron nas súas páxinas que foi neste emblemático inmóbel, derrubado esta semana polos bulldozers, onde se decretou por primeira vez o Día Internacional da Muller.

Feminino plural, todas as mulleres á escena

Dúas actrices nun escenario que con algúns truquiños de atrezzo convértense en varios tipos de mulleres, para demostrar que non existen os estereotipos. Elas son Merche Alonso e Paz Quiroga, ou o que é o mesmo, Bolován Teatro. Feminino pluralestará na Sala Yago de Compostela dende este xoves, 8 de marzo, até o domingo.