Vieiros

Os pésimos datos de emprego deron unha pequena tregua en abril. Segundo o INEM, en Galiza o mes rematou con 2.533 parados menos ca en marzo, o que significa unha baixada de pouco máis dun punto porcentual. A pesar do dato positivo, a taxa de paro interanual (con respecto a abril de 2009) medrou un 11%.

Sindicatos como UXT Galicia consideran que esta pequena mellora está relacionada coas políticas públicas de estímulo no sector da construción, onde a diminución foi de 2,6 puntos. CC.OO tamén saudou o dato positivo, logo de oito meses de malos resultados, pero lembrou que debe tomarse por cautela xa que abril é un mes onde hai un incremento da contratación estacional (debido aos festivos de Semana Santa).

Podes ler en Vieiros a información dos últimos meses:

• Marzo: O desemprego continúa a súa escalada por enriba das cifras estatais
• Febreiro: O mes de febreiro deixa 2.500 novos parados no país
• Xaneiro: O paro segue subindo en Galiza a maior ritmo que no Estado
• Decembro: No último ano, 33 mil galegos perderon o seu traballo