Vieiros

"BP é responsábel deste vertido e BP pagará a factura", subliñou o presidente dos Estados Unidos, Barack Obama, durante a súa visita a Louisiana, a onde acudiu para avaliar o impacto da marea negra que lle afecta á costa desde esta fin de semana. "Vaise facer o que sexa necesario e durante o tempo que sexa necesario", sinalou ao respecto dos traballos para frear o vertido.

Mais xustamente eses traballos están a afrontar graves complicacións polas características do suceso e pola propia meteoroloxía. A dificultade para deter o derrame causado pola rotura do pozo petrolífero submarino fixo que un dos voceiros do seu gabinete agoirase este mesmo domingo que o litoral da zona debe prepararse "para o peor". "Un desastre medioambiental sen precedentes", definiu o propio Barack Obama.

Última hora:

• CNN
• The New York Times