Vieiros

Os servizos de urxencia mantéñense en alerta por chuvias persistentes, especialmente no sur do país, logo dunha noite tranquila en que non houbo incidencias destacábeis, informaron fontes do 112.

A Dirección Xeral de Urxencias alertou este sábado dun fenómeno meteorolóxico adverso de nivel laranxa por chuvias. Para garantir a seguridade, todos os concellos, organismos provinciais, autonómicos e estatais, así como a parques de bombeiros e empresas foron avisados.

A Consellaría de Medio Ambiente mantén activadas as medidas de alerta fronte a posíbeis efectos do temporal nas infraestruturas e, no que se refire á rede viaria, todos os servizos provinciais de estradas contan con brigadas preparadas para solventar incidencias.

A diferenza da madrugada do venres ao sábado, en que o centro de urxencias do 112 tivo que atender numerosas chamadas, as primeiras horas do domingo foron tranquilas, segundo os servizos de urxencia, que se manteñen alerta ante a persistencia das precipitacións.

• Máis información: 112 Emerxencias | MeteoGalicia | DXT