Vieiros

Xa son 24 as persoas falecidas no Estado Español por mor da gripe A. A última vítima é unha muller de 77 anos, de Málaga, que xa sufría outras patoloxías. Con ela son xa cinco as mortes que se produciron en Andalucía pola mesma causa.

A muller atopábase ingresada no Hospital Rexional Carlos Haya e sufría Enfermidade Pulmorar Obstrutiva Crónica (EPOC), ademais de insuficiencia cardíaca e respiratoria, segundo publica La Opinión de Málaga. Por outra banda, a falecida padecía unha insuficiencia renal grave. Todas esas doenzas situaban a última vítima do virus H1N1 dentro dos grupos de risco fixados pola OMS.