Vieiros

O texto legal prohibe "a fabricación, importación, distribución, venda, renda e uso de videoxogos e xoguetes bélicos", xa que entende que o xogo é "unha recreación que desenvolve capacidades que repercutirán nas futuras actuacións" dos nenos, segundo o comunicado.

Os lexisladores destacaron que pretenden avanzar cara a "unha cultura da non violencia", pois a violencia no xogo "é trasladada á vida cotiá do menor ".

A norma considera como xoguetes bélicos as "réplicas de armas de fogo, armas brancas e calquera outra manifestación tanxíbel de agresividade" e que "podan ser usado incluso polos delincuentes".

Pola súa banda, os videoxogos bélicos serían aqueles que "impliquen a utilización de armas, ou onde a destrución e a violencia constitúa o elemento esencial para obter o triunfo".

A proposta tamén prohibe aos medios de comunicación emitir publicidade destes xogos e obrígaos a difundir campañas permanentes que destaquen a importancia de non utilizalos.