Vieiros

Fóra do contorno europeo, só Canadá, Nova Celandia e Singapur aparecen entre os vinte primeiros estados da lista realizada polo Swis Economic Insitute. A listaxe aparece liderada nos oito primeiros postos por Bélxica, Irlanda, Países Baixos, Suíza, Austria, Suecia, Dinamarca e Canadá. No outro estremo, os "menos globalizados" son Myanmar, o Congo, Burundi, Níxer e Ruanda.

O índice KOF mide a escena política e a difusión dos proxectos gubernamentais, calcula no ámbito social o fluxo de ideas, informacións ou persoas, e desde o punto de vista económico repara nos fluxos de bens, capitais e servizos e suma tamén os niveis de investimento estranxeiro. No índice global, os estados portugués e español aparecen respectivamente nos lugares 15 e 18º. Alén da análise combinada, o estudo ofrece tamén os datos do índice restrinxido á "globalización económica", sendo que neste caso Singapur aparece no primeiro posto, seguido de Luxemburgo, Irlanda e Malta.