Vieiros

Xa se poden consultar no DOG as bases reguladoras das axudas que concede a Consellaría de Pesca para que os mariscadores a pé poidan completar os períodos mínimos de cotización e accedan a unha pensión de xubilación.

O departamento que dirixe Carme Gallego achegará dous millóns de euros para este fin. A medida, en marcha dende 2007, está enmarcada nun plan de melloras sociais que inclúe tamén o seguro de mal tempo ou a ampliación da póliza do seguro colectivo de accidentes no mar aos inmigrantes.

Ao cumpriren 65 anos, os mariscadores deben abandonar a súa actividade, segundo estabelece a normativa. No entanto, moitos destes profesionais non poden gozar da pensión por non teren completado o período mínimo de cotización. Pesca axuda nos pagamentos requiridos pola Seguridade Social e facilita a subsistencia dos traballadores durante ese período.