Vieiros

Os candidatos presidenciais, o demócrata Barack Obama e o republicano John McCain, reiteraron este venres as posturas da súa campaña ao defender, nun caso, a mensaxe de cambio e, no outro, a experiencia.

O primeiro cara a cara entre os dous aspirantes á Casa Branca, que tivo lugar na Universidade de Mississippi, ofreceu pouco espectáculo mais tivo profundidade nos asuntos, discorreu nun ton profesional e careceu de xestos traizoeiros ou erros grandes.

Segundo as primeiras observacións da prensa, o debate rematou en empate, mais algunhas enquisas danlle unha lixeira vantaxe a Obama. Este tratou de vincular en todo momento ao seu contrincante coas políticas económicas erradas do actual presidente, George Bush, mentres que McCain intentou deixar claro que o seu opoñente carece da súa longa traxectoria e do coñecemento dos temas sobre o terreo.

• Máis información: The New York Times, USA Today, CNN