Vieiros

A Igrexa española chegou a ter investidos máis de 18 millóns de euros en bolsa, non obstante, o escándalo de Gescartera primeiro, e semella que a crise económica agora, fixo que optase por abandonar os seus activos. A última noticia é que vén de liquidar e disolver de xeito definitivo Umasges, a súa maior firma de inversión, ademais de sair tamén do capital de Gran Premiere, outra sociedade similar na que participaba a través do Arzobispado de Oviedo. No primeiro caso, o abandono da bolsa débese fundamentalmente á crise: o proceso iniciouse pouco despois de xurdir en Estados Unidos a situación económica derivada das hipotecas lixo.

Na actualidade só lle quedan investidos en bolsa 850.000 euros da Diócese de Astorga, en renta fixa e variábel a través da sociedade inversión Vayomer, que só confía en compañías grandes (tería 131 mil euros en Santander, 128 mil en Telefónica, 103 mil en Repsol YPF e 60 mil en BBVA).