Vieiros

A vixencia que no momento actual teñen os proxectos e ideas de Alexandre Bóveda, co recordo do seu labor humano, intelectual e político, centra os actos que a Fundación Alexandre Bóveda organiza un ano máis.

Ao tempo, haberá lembranza das consecuencias institucionais para Galiza que tivo o golpe militar naquel momento de recente aprobación en referendo do seu estatuto "e da crueldade con que foron masacrados os galegos e galegas demócratas de diferentes ideoloxías pero de conviccións antifascistas".

A fundación entrega unha vez máis o Premio Día da Galiza Martir, un recoñecemento pensado para persoas e entidades caracterizadas por seren testemuña viva, por investigar, difundir ou dignificar a memoria histórica e as vítimas da represión franquista. Este 2008, a homenaxe é para María Teresa Alvajar, nada no medio dunha familia republicana que sufriu o exilio en Francia.


O programa:

• 13:00 h. HOMENAXE INSTITUCIONAL A ALEXANDRE BÓVEDA.
No monumento a Alexandre Bóveda na Caeira en Poio. Intervirán:
-Anxo Quintana (Vicepresidente da Xunta de Galiza)
-Luciano Sobral (Alcalde de Poio)
-Fernando Quintela (Presidente da Fundación Alexandre Bóveda)
- Xosé Luís Bóveda (Vicepresidente da Fundación A. Bóveda e fillo de A. Bóveda)

• 14:00 h. XANTAR DE ENTREGA DO III PREMIO DIA DE GALIZA MARTIR Á RECUPERACIÓN DA MEMORIA HISTÓRICA A TERESA ALVAJAR
No Pazo de Cultura, Rúa Alexandre Bóveda, Pontevedra. (Información e inscrición no Xantar na bitácora http://galizamartir.blogspot.com/
• 18:30 H. CERIMONIA DE ANIVERSARIO NA CAPELA DE SAN AMARO (PONTEVEDRA)
• 19:00 H. ACTO CÍVICO DIANTE DO SARTEGO DE A. BÓVEDA
o No Cemiterio de San Amaro (Pontevedra)
- Cesareo Sánchez (Presidente da Asociación de Escritores en Lingua Galega)

• 20:30 H. LEMBRANZA POLÍTICA NO MONUMENTO A A. BÓVEDA
Na Praza de Curros Enríquez diante do monumento a Bóveda (Pontevedra)
-Bieito Lobeira (Deputado e coordinador do grupo parlamentar do BNG)
- Miguel A. Lores (Alcalde de Pontevedra)