Vieiros

A Academia francesa fixo público un comunicado para opoñerse radicalmente aos cambios legais que lle dará recoñecemento ás linguas minorizadas que existen no estado galo. Os académicos consideran que a reforma constitucional “atenta contra a indentidade nacional”. No escrito sinalan que “a lingua francesa forxou Francia”. A Academia francesa pide que non se toque o texto constitucional.

Pola súa banda, os colectivos de defensa de linguas minorizadas como é o caso do éuscaro, catalán ou bretón consideran que o feito de que se lle recoñeza certa oficialidade aos seus idiomas é un “pequeno paso”, aínda que lembran que Francia segue negándose a asinar a Carta Europea das Linguas.