Edición xeral
A contaminación do ar mata ao ano a 10 mil persoas ao sur da China
A poboación chinesa é das máis afectada, mais tamén parte da de Hong Kong e Macau.
A polución, vista dende a torre Jing Mao, en Xangai / Flickr: dondequieras
A polución do aire á a causante de, polo menos, 10 mil mortes ao ano en Hong Kong, Macau e o sur da China, segundo os resultados dun estudo publicado esta semana en Hong Kong polo Civic Exchange Institute.
"Estimamos que perto de dez mil mortes son debidas á polución, dez mil mortes que poderían ter sido evitadas", dixo Anthony Hedley, profesor de medicina na Universidade de Hong Kong e un dos autores do estudo.
Esta contaminación é tamén a responsábel de 44 mil días de hospitalización por ano e de once millóns de consultas médicas.
Os autores do estudo apelaron ás autoridades de Hong Kong, Macau e ás chinesas da rexión de Guangdong (no sur) para adoptar un plano que mellore a calidade do aire e que lle proporcione á poboación información, en tempo real, sobre a contaminación atmosférica.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto