Vieiros

O triatleta ferrolán leva 17 podios consecutivos en competicións internacionais e non perde unha carreira dende o Mundial de Hamburgo de 2007. Tampouco quixo perder desta vez: corría na casa, cousa que se notou a cada quilómetro gañado, no medio dos berros de ánimo da moita xente que colleu un paraugas e saíu á rúa a ver competir ao mellor triatleta do mundo.

Despois de gañar nos dous circuítos da Copa do Mundo de Mooloolaba (Australia) e New Plymouth (Nova Zelandia), o ferrolán quixo competir en Pontevedra este sábado, e abandonou a proba que se desenvolvía en Xapón a pasada semana para preparar o percorrido pola cidade na que vive (o tempo que está en Galiza).

A proba masculina
Non chovía cando os triatletas se tiraron á auga do Lérez, e case non choveu en todo o percorrido (só unhas gotiñas cando colleron as bicis), cousa que axudou moito aos participantes, que evitaron as molladuras e o frío que poucas horas antes experimentaran as mozas. O primeiro en saír do Lérez: Gómez Noya, seguido do italiano Leonardo Ballerini a 27", e do español Paquillo Fernández-Cortés a 29". O mellor situado da selección española era Francesc Godoy, que ía sétimo, a 40".

Cando comezaban os 40 quilómetros de carreira en bici, comezou a chover miudiño. Gómez Noya iba no grupo de cabeza con xente poderosa, como o portugués Bruno Pais, os alemáns Steffen Justus e Andreas Raelert e o ruso Valentin Meshcheryakov. En nada Gómez Noya púxose primeiro e, a falta de tres voltas superaba ao francés Franky Batelier, ao ruso Artem Parienko e ao alemán Steffen Justus, os seus inmediatos perseguidores.

Non hai quen poida con Gómez Noya
Nada máis comezar a carreira a pé o galego impuxo as súas regras. Nos primeiros quilómetros foilles roubando segundos e minutos aos seus perseguidores, e entrou lanzado no Estadio da Mocidade do Centro Galego de Tecnificación Deportiva (CGTD). A xente estaba de pé, a carón dos paraugas, e ovacionaron ao ferrolán ao velo entrar de primeiro. O estadio estaba cheo a pesares do mal tempo.

Percorridos, con moitísima vantaxe, os 10.000 metros de carreira a pé, Javier Gómez Noya entraba, sobradísimo, no estadio. A última volta de Gómez Noya foi espectacular, e un chisquiño antes de atravesar a liña de meta, deu a volta e saudou ao público, perdendo uns segundiños de nada, para pasar sorrindo, a liña final.

Segundo foi o alemán Prochnow, e terceiro o seu compatriota Steffen Justus.

Clasificacións:

Clasificación feminina:
1. Kathrin Mueller (ALE) 2.05:32
2. Melanie Annaheim (SUI) 2.06:38
3. Olesya Prystayko (UCR) 2.07:14
4. Abbie Thorrington (GBR) 2.07:22
5. Birgit Berk (HOL) 2.07:25
6. Vanessa Raw (GBR) 2.07:30
7. Jess Towl (GBR) 2.07:37
8. Maria Czesnik (POL) 2.07:46
9. Sarah Fladung (ALE) 2.07:50
10. Tina Herklotz (ALE) 2.08:53
11. María Pujol (ESP) 2.09:00
15. Nuria Miró (ESP) 2.11:00
24. Miren Casado (ESP) 2.21:28
25. Estefanía Domínguez (GZ) 2.22:54
Aída Valiño (GZ) Abandono.
Saleta Castro (GZ) Abandono.
Marina Damlaimcourt (ESP) Abandono.
Laura Díaz (ESP) Abandono.
Itxaso Leunda (ESP) Abandono.
Amaia Ostolaza (ESP) Abandono
Eva Ledesma (ESP) Abandono.
María Martínez (GZ) Abandono.
Virginia Berasategui (ESP) Abandono.
Ana López (ESP) Abandono.
Maider Vallina (ESP) Abandono.
Alba Cuba (GZ) Abandono.
Ainhoa Garrido (ESP) Abandono.
Mabel Gallardo (ESP) Abandono.
Inma Rafael (ESP) Abandono.

Clasificación masculina:
1. Javier Gómez Noya (GZ) 1.49:52
2. Christian Prochnow (GER) 1.50:15
3. Steffen Justus (GER) 1.50:37
4. Artem Parienko (RUS) 1.51:07
5. Franky Batelier (FRA) 1.51:15
6. Valentin Meshcheryakov (RUS) 1.51:28
7. Oliver Freeman (GBR) 1.51:29
8. Duarte Marques (POR) 1.51:34
9. Gregor Buchholz (GER) 1.51:41
10. Gareth Halverson (AUS) 1.51:44
12. Francesc Godoy (ESP) 1.51:50
21. José Manuel Tovar (ESP) 1.52:57
22. Ramón Ejeda (ESP) 1.53:07
23. Samer Ali Saad (ESP) 1.53:16
26. Jesús Gomar (GZ) 1.53:28
35. Clemente Alonso (ESP) 1.54:26
39. Óscar Vicente (GZ) 1.54:57
42. Jon Unanue (ESP) 1.55:17
48. Alberto Trillo (GZ) 1.56:48
51. Alberto León (ESP) 1.58:35
53. Rubén Bouza (ESP) 1.59:05
54. Rafa Madrid (ESP) 1.59:40
55. Iñaki Baldellou (ESP) 1.59:49
57. Borja Conde (GZ) 2.00:42
58. Adrián Vázquez (ESP) 2.02:02

• Anterior: A alemá Kathrin Mueller gaña, por sorpresa, a Copa de Europa de Triatlón de Pontevedra