Vieiros

O pesqueiro Tiburón III, con base na Guarda, atopou fronte ás costas de Cabo Verde un caiuco con un sobrevivente e sete cadáveres. O barco avistou o caiuco o mércores á tarde, pero non puido rescatar o ocupante até o xoves ás dez da mañá.

O inmigrante rescatado explicou que na embarcación viaxaban 50 persoas, das que só quedou vivo el, e que levaban 20 días á valga até o encontro co Tiburón III. O sobrevivente, nun estado de saúde moi feble, foi evacuado polo buque hospital Esperanza del Mar, xunto cos corpos dos sete falecidos.