Vieiros

Senra anunciou este mércores en Lugo que non se vai volver presentar á secretaría xeral do SLG. Senra dirixía a organización agraria nacionalista dende 1989, agora, cumpridos os 49 anos, asegura que é das que pensan que “as persoas non deben xubilarse no cargo”. Porén, subliñou que mantiña o seu compromiso co SLG no que seguirá a militar. A propia Lidia Senra deu a coñecer o nome dunha candidata a substuíla no vindeiro congreso que se celebrará o 24 de novembro: Carme Freire.

Lidia Senra naceu en Pobra do Brollón en 1958. Comezou a súa militancia sindical en Comisións Labregas en 1976. O seu nome barallouse en varias ocasións como posíbel candidata do BNG ao Parlamento de Europa.