Vieiros

A península do Peloponeso, no suroeste de Grecia, está en máxima alerta. Numerosos lumes forestais están a causar unha auténtica traxedia que lle custou a vida a alomenos corenta persoas. Porén témese que as vítimas sexan moitas máis xa que se está a buscar a desaparecidos. O goberno, que se ve desbordado pola situación, xa pediu axuda internacional ao se dirixir á UE.

Na zona atópanse membros do exército que intentan deter o avance do lume e proceden á evacuación de localidades. As altas temperaturas e a sequía dificultan aínda máis as tarefas de extinción. O propio primeiro ministro grego, Costas Caramanlis, recoñecía abertamente que a situación é “unha traxedia sen precedentes”.