Vieiros

Son arredor de 300 mil persoas as que quedaron sen fogar, 90 mil hectáreas de campos de cultivo que se perderon, por riba de 200 mortos e un cento de desaparecidos. A avaliación chega desde as Nacións Unidas e a Federación Internacional da Cruz Vermella en Corea do Norte.

Unha delegación da ONU visitou o país estes días e informou da situación especialmente grave en catro provincias do sur do país, fortemente dependente do labor agrícola. Aínda sen xulgar directamente a dimensión do desastre, desde o goberno de Corea do Norte enviouse a Corea do Sur unha petición para o aprazamento do cumio conxunto estabelecido para a última semana de agosto, entre os días 28 e 30. Os dous países acordaron que o encontro se celebre dous meses máis tarde, entre o 2 e o 4 de outubro.

Recomendámoslles seguir a última hora na Axencia Yonhap.