Vieiros

A Tatsumi atribúeselle o desenvolvemento do concepto Gekiga, que implicou no seu momento unha evolución temática e formal no ámbito do manga comercial tradicional de gran éxito en Xapón. De Tatsumi era tamén o primeiro manga que se publicou a nivel estatal, na revista El Víbora.

De Heroes ao Capitán Torrezno
Coma en cada edición, Viñetas desde o Atlántico reúne unha oferta diversa e de gran calidade no ámbito do cómico internacional. Pola Coruña pasarán entre outros Tim Sale, coñecido polos deseños para a popular serie televisiva Heroes; Jeff Smith, creador de Bone ou a israelí Rutu Modan, que desde o colectivo Actus Tragicus promove os novos autores da banda deselada daquel país.

De Francia chega o innovador Etienne Davodeau e do Quebec vén Jean-Louis Tripp, creador de Paroles d'anges. Do resto do Estado visitan A Coruña debuxantes como Juanjo Sáez, coñecido entre outros por ser gañador de importantes premios publicitarios, e Santiago Valenzuela, o creador de Capitán Torrezno.

O Prestige chega aos cadriños
Durante o salón herculino o guionista galego Carlos Portela aproveitará para presentar o traballo realizado conxuntamente co debuxante catalán Sergi San Julián: A Conta Atrás. Trátase dun traballo que convirte en novela gráfica a catástrofe do Prestige.