Seis galegos metidos no Mundial de Cascais
Os regatistas forman parte de selección estatal que estará en Portugal do 28 de xuño ao 13 de xullo. Trátase dunha cita crucial, da que saen o 75 % das prazas para ir aos Xogos Olímpicos de Pekín 2008.
Neste Mundial participan xuntas as once clases olímpicas, o que fai del unha competición preparatoria para os Xogos de 2008, cuxa sede para a vela será a cidade de Qingdao, a uns 500 quilómetros de Pekín.
Por detrás de Canarias (8), Andalucía e Cataluña (7), Galiza é o cuarto país que maís regatistas aporta ao equipo estatal, composto por 47 deportistas. Os seis galegos son Fernando Echavarri e Antón Paz (na clase Tornado); Roberto Bermúdez de Castro (na clase Star); Tamara Echegoyen (en 470 F); Miguel Fernández (en Finn); e Lara Cacabelos (en Yngling).
Mais, segundo contan dende a federación galega, Galiza non só contribue en cantidade, senón tamén en cualidade, xa que moitas das esperanzas para de acadar un moi bo posto e a clasificación para os Xogos Olímpicos están postas na tripulación formada polos galegos Fernando Echavarri e Antón Paz, que son segundos no ránkin mundial da clase Tornado.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto