Vieiros

Rondeau accedera ao goberno Lula no medio do anterior escándalo de corrupción despois de que o presidente brasileiro decidise unha reforma profunda do seu equipo. Agora, o ministro anuncia que deixa o cargo á fronte da carteira de Enerxía para evitar que "o sector enerxético, clave para o desenvolvemento do país, sexa prexudicado, e que a imaxe do goberno sexa dalgún modo afectada".

Na súa carta de despedida asegura a súa "completa e absoluta inocencia" en relación ás denuncias presentadas contra el e di ter a certeza de que "todo será esclarecido". A denuncia policial implícao na presunta recepción de comisións por valor de algo menos de 40 mil euros coas que unha construtora tería gañado a adxudicación pública para estender liñas eléctricas en zonas pobres do Brasil. Rondeau pertence ao Partido do Movemento Democrático Brasileiro, PMDB, unha das formacións que apoia o goberno de Lula da Silva.