Vieiros

Ao tocar o tema da posta en liberdade do terrorista Luís Posada Carriles, por parte da xustiza estadounidense, o presidente da República Bolivariana de Venezuela, Hugo Chávez Frías, aseguro que non se estrañou para nada", con todo manifestou a grande indignación que causa a noticia.

Durante o programa Aló Presidente 283, realizado na vila comunal Bella Vista, do estado Yaracuy, o mandatario venezuelano non só manifestou indignación, senón que sinalou directamente ao presidente dos Estados Unidos, George Walker Bush, de protexer ao terrorismo internacional.

"Aquí acuso ao presidente dos Estados Unidos de protexer ao terrorismo internacional. Agora liberaron ao pai de todos os terroristas: Luís Posada Carriles, que aquí torturou a moita xente, asasinou xente aquí en Venezuela cando foi xefe de operacións da Disip asasina; mandoulle poñer a bomba ao avión cubano e mataron a máis de 70 inocentes, e agora o goberno de Estados Unidos permitiu que o liberen", asegurou.

Recordou que durante máis de dous anos, o Goberno Bolivariano solicitou a extradición de Posada Carriles sen obter unha resposta favorábel, á vez que anunciou que Venezuela levará este caso ante as Nacións Unidas.

Considerou o presidente Chávez que "non é unha coincidencia que nestes días, finais de abril, cando comezou un novo plan desestabilizador en Venezuela liberen ao terrorista Posada Carriles"; á vez que asegurou que "Posada Carriles estivo planificando desde fai varios anos o asasinato, non só de Fidel Castro, senón o meu asasinato e ten unha poderosa rede apoiada pola CIA desde fai moitos anos, el é un home da CIA".

Agregou o presidente venezuelano que "a CIA está regada por todo o continente, desde Estados Unidos á Patagonia; esa rede estase reactivando e agora está máis motivada pola impunidade, porque o seu xefe, o pai dos terroristas foi liberado".

O presidente Chávez responsabilizou a George Walker Bush de "estar impulsando de novo un plan desestabilizador contra Venezuela e de estar dándolle luz verde aos plans de asasinato contra min. Acúsoo ante o mundo enteiro".

Finalmente, chamou ao pobo venezolano a estar alerta, "cos ollos abertos" e que "ante calquera cousa que aconteza, profundemos a revolución venezuelana, botemos ao imperialismo, botemos ao capitalismo e construamos a patria socialista".

Asasinan a líder social bolivariano

O presidente Chávez referiuse ao asasinato de Arquímedes Franco, líder dos mensaxeiros en moto bolivarianos e loitador social recoñecido, e cualificou o feito como "moi estraño".

Chávez solicitou aos organismos competentes unha investigación a fondo, á vez que solicitou que este caso non quede impune.

Comentou que "encomendei ao ministro (Pedro) Carreño que pescuden a fondo e non queden impunes estes asasinatos, todos somos responsábeis"; e agregou que "imos apertar as porcas en todos os niveis; non á impunidade, que é un cancro que ameaza a nosa revolución: a corrución, a impunidade, a inseguridade nas rúas. Imos traballar duro".