Vieiros

Esta semana técnicos de Intel conectaron mediante unha rede Wi-Fi as oficinas que o fabricante de chips ten en San Francisco cos seus laboratorios Space Science Lab, a varios quilómetros de distancia. Segundo os responsábeis do proxecto, conseguírono mediante unha rede convencional pero que utiliza software modificado para acadar unha maior amplitude na transmisión de datos.

Tal e como informa Baquía.com, de momento esta tecnoloxía non está destinada aos mercados europeos ou estadounidenses, xa que a aposta de Intel pasa por impulsar esta iniciativa en países con mercados emerxentes. Deste xeito, xa se confirmou que a finais de ano realizaranse probas en Uganda, Paquistán e outros países con infraestruturas de comunicación aínda por desenvolver.

O novo sistema utiliza un protocolo similar aos das redes WiMax, porén, a principal diferenza radica no prezo da instalación. Unha antena WiMax supón un desembolso de arredor dos 15.000 euros, mentres que unha deseñada para nova rede Wi-Fi ideada por Intel non chegaría pasaría dos 600.