Vieiros

Só por participar xa tendes garantida unha camiseta do grupo e os tres discos de Jabon Blue, até o de agora: Flores en la carretera (2010); La música va por dentro (2006) e By the White (2008). Ademais, dous pases de backstage e unha cea co grupo para un concerto a convir, e o máis importante: "O teu vídeo será o videoclip oficial do tema!"

A discográfica PAI Música e Jabón Blue buscan un vídeo 100% orixinal, feito integramente polo participante expresamente para este concurso e libre de plaxios. A temática do vídeo é libre, sempre e cando teña relación co tema da canción "El baile de los huesos" e non teña contidos de corte violento, sexista, racista ou xenófobo.

"Se sempre quixeches facer un videoclip, tiveches alma de Scorsese ou simplemente tes gañas de demostrar o que podes facer envía o teu videoclip antes do 5 setembro de 2010 a Internet a través da páxina web de PAI-Música", convidan.