Vieiros

Da man da Asociación Cultural Foucelhas, en Ordes, o Pub Arcos acolle este sábado 9 de xaneiro ás 22h un concerto promocional da Galicola. Actuará o cercedense Carlinhos Gende, pioneiro do beat box en Galiza, o artista local García de Dios ke te Crew, e o poeta e músico Leo i Arremecághona.

A Galicola comezou a distribuírse o pasado mes de outubro. Trátase dun proxecto da Asociación Cultural Fontaira que propón “unha oposición consciente á globalización e o capitalismo” e ten como fin último xuntar recursos para asociacións que traballen na defensa e normalización da lingua galega. Co lema "Sabor para a túa lingua" na etiqueta, pode atoparse en diversos bares, centros sociais e tendas de alimentación do país. A iniciativa non ten carácter lucrativo, polo que todos os beneficios que se xeren, descontados os gastos de produción e distribución, irán para a asociacións que traballen a prol da normalización do galego.