Edición xeral
PSdeG e BNG obteñen o goberno de Porto do Son entre aplausos e apupos
O novo alcalde, o socialista Xoán Pastor Rodríguez, prometeu "traballo, honradez e capacidade de diálogo" coa oposición.
Como estaba previsto, prosperou a moción de censura promovida polo PSdeG e polo BNG en Porto do Son. O novo alcalde será o socialista Xoán Pastor Rodríguez e a tenente de alcalde a nacionalista Ánxela Franco. Deste xeito, desaloxaron da alcaldía o popular Manuel Tomé.
O pleno tivo lugar na casa da cultura de Porto do Son, á que acudiron numerosos veciños, que recibiron entre aplausos e apupos o novo goberno local. Os cinco votos do PSdeG e os catro do BNG apoiaron a moción, fronte aos seis en contra do PPdeG e as dúas abstencións dos independentes.
Despois de recibir o bastón de mando cunha aperta do ex-rexedor, Pastor Rodríguez comprometeu "traballo, honradez e capacidade de diálogo" coa oposición e cos veciños, e pediu a colaboración do PPdeG para levar a cabo os proxectos pendentes coa Xunta.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto