Vieiros

A carpa circense do Reperkusión xa está montada en Allariz. A séptima edición deste festival volve xuntar doses de música festiva e circo, este ano coa mirada posta nos Balcáns. Desde o leste de Europa chegan dúas das bandas responsábeis da expansión global dos sons balcánicos: a Fanfare Ciocarlia e Emir Kusturica e a súa The No Smoking Orchestra. Ritmos frenéticos e bailábeis que inspiraron algúns dos grupos galegos presentes no cartel, como Festicultores Troupe e A Tuna Rastafari.

A de Allariz non é a única cita festivaleira da fin de semana. En Carballo celébrase o PopXiriaPop, con Cooper e Los Negativos como cabezas de cartel. Os grupos galegos son os protagonistas do Festival Meigas Fóra de Ordes, con Zënzar, Kastomä e Dios Ke Te Crew xogando en casa; o NicraRock de Negreira, cos Trasnos de Moscos e Banda Potemkin, entre outros; e o Festival da Lingua na Coruña, coa Quenlla, Fracasados de Antemano e de novo Dios Ke Te Crew.

Os que busquen son máis duros teñen tres citas co punk, o metal e o hardocre: o Vigo Skatepunk Fest, o Marfan Rock na Pobra do Caramiñal e ao Hate Fest na Coruña.

18, 19 e 20 de setembro. Reperkusión (Allariz):
Venres 18: Emir Kusturica & The No Smoking Orchestra, Bodega Bodega, Festicultores Troupe.
Sábado 19: Fanfare Ciocarlia, Gigoelectro Brass, Funky Style Bass, A Tuna Rastafari, Dj Floro.
Domingo 20: Os PerQtores, Afrofunk Group, Beatmac.
Ademais: mercadiño, obradoiros, circo...

18 e 19 de setembro. PopXiriaPop (Carballo):
Venres 18: Cooper, Bryan Estepa, Stay, Cosecha Roja.
Sábado 19: Los Negativos, Johnny Casino & The Secrets, Biscuit, Hyde Casino.

18 de setembro. Meigas Fóra (Poulo, Ordes):
Dios Ke Te Crew, Zënzar, Konflikto, Kastomä, Chícharo Psicótico, Invivo, Tramaturgia.

18 de setembro. NicraRock (Negreira):
Os Trasnos de Moscoso, Kaña D'herbas, Marmota Phil, Banda Potemkin.

19 de setembro. Festival da Lingua (Montealto, A Coruña):
A Quenlla, Fracasados de Antemano, Dios Ke Te Crew e serán de música e baile tradicional.

19 de setembro. Vigo Skatepunk Fest (Mondo Club, Vigo):
Adrenalized, Misplace, Saldos Arias, Rockin' for Tangas.

19 de setembro. Marfan Rock (Praia de Cabío, A Pobra do Caramiñal):
Koma, Forraje, Desalojo, Bocanada, Kertuler.

19 de stembro. Hate Fest (Discoteca Ola Green, A Coruña):
Grankapo, Anger Second, Mala Sangre, We Ride.