Vieiros

O director do observatorio astronómico do Vaticano, o padre José Gabriel Funes, asegurou que pode que algún día o ser humano entre en contacto cos extraterrestres, aínda que lle parece "moi difícil". Funes foi a persoa que no ano 2008 sorprendera asegurando que non era incompatíbel crer en Deus con crer na existencia de seres noutros planetas.

Funes, xesuíta, fixo esas declaracións ao xornal católico L'Osservatore Romano, dicindo que "non se pode excluír a priori" a posibilidade de contactar con alieníxenas. O observatorio, coñecido como Specola Vaticana, foi trasladado recentemente ás proximidades da residencia de verán do Papa, en Castelgandolfo. Anteriormente atopábase a dous quilómetros de distancia.