Vieiros

A sinatura do acordo político entre PSE e PP para investir a Patxi López lehendakari -que se fixo público a comezos desta semana-, fíxose, finalmente, esta cuarta feira en Gasteiz. A ela acudiron o secretario de Organización do PSE-EE, Rodolfo Ares; o presidente do PSE-EE, Jesús Egiguren; o secretario xeral do PP en Euskadi, Iñaki Oyarzábal; e o seu voceiro, Leopoldo Barreda.

O acordo de bases, que segundo ámbolos dous partidos, "ha abrir unha nova etapa para unir a sociedade", ha permitir, alén de que o socialista López sexa designado lehendakari, que a popular Arantza Quiroga presida o Parlamento Vasco.

Porén, non se quixo escenificar en ningún momento a unidade de ámbolos dous grupos, xa que, ao terminar de asinar o documento, compareceron ante os medios, por separado, Ares e Oyarzábal, para valorar un pacto que, segundo dixeron, "ha dotar de estabilidade o goberno". Alén disto, o secretario de Organización do PSE-EE tamén revelou que é previsíbel que o goberno vasco estea constituído en maio.

A noticia nos diarios vascos:

• Gara: PSE Y PP firman el pacto pero mantienen distancias públicas
• Berria: PSEk "autogobernuaren giltzak" PPri eman dizkiola uste du EAJk
• Deia: PP y PSE firman en Gasteiz el acuerdo político para investir a López como nuevo lehendakari
• Diario Vasco: PSE y PP firman el acuerdo y reniegan del frentismo
• El Correo: PSE y PP abren una "nueva etapa para cohesionar Euskadi"