Vieiros

Trescentas papeleiras ten previsto instalar nos próximos meses o Concello de Baiona para embelecer o aspecto das súas rúas. Cunha subvención do Goberno Central e dos Fondos da Union Europea, o concello baionés instalará estas papeleiras cun aspecto de caracol mariño e polas que se pagarán perto de 68.0000 Pta. A instalación destes recolledores de lixo das rúas forma parte da campaña de investimento do concello que ten previsto gastar 150 millóns en deixar Baiona coma unhas das vilas mais fermosas do litoral galego. As papeleiras que son de cor verde, pesan 50 quilos o que desanimará de cargar co elas coma un recordo das vacacións. Ademáis do anecdótico capítulo das papeleiras, o concello de Baiona empregará o investimento de 150 millóns na pavimentación das rúas do casco vello, a recuperación duns muiños de auga e na elabouracion dun proxecto para a construcción dun campo de golf. Coma remate deste investimento o concello prevee editar guias turísticas que den a coñecer esta vila ós que ainda non se achegaron a ela.