Vieiros

Os votos do BNG que serviron para sacaren adiante os orzamentos do goberno español vanse traducir para a vindeira semana en contraprestacións. Tal e como negociaran socialistas e nacionalistas naquel momento, o vindeiro luns vaise constrituír a subcomisión de seguimento das infraestruturas e ao día seguinte vaise efectivizar o traspaso das competencias pendentes.

Segundo o vicepresidente Anxo Quintana, a subcomisión vai ser unha ferramenta útil para "asegurarnos de que unha vez que se presupostan cuestións importantes para Galicia se van executar”. A primeira reunión da subcomisión vai ter lugar no primeiro trimestre.

En canto as transferencias, Quintana sinalou que se cubriron os obxectivos comprometidos: “Galiza vai recibir como traspasos cuestións relevantes en materia de museos, bibliotecas, arquivos, bolsas ao estudo, no saldo da débeda de superficie, en inspección de traballo, e instalacións patrimoniais”.