Vieiros

Manexar máquinas de ataque coa mente, usar fármacos para debilitar ao inimigo ou facer imposible que os prisioneiros mintan nos interrogatorios son algunhas das aplicacións que segundo a Academia Nacional de Ciencias podería ter a neurociencia cognitiva aplicada á batalla militar.

O estudo céntrase, fundamentalmente, nos ámbitos que maior implicación militar poderían ter, isto é, o interfaz cerebro-máquinas, os fármacos cerebrais e a neuroimaxe funcional.

A base do interfaz cerebro-máquina é a captura das emisións de enerxía do cerebro con dispositivos tecnolóxicos. Así, por exemplo, colocando electrodos sobre o cerebro, cun pouco de adestramento, un soldado podería realizar tarefas sinxelas só con pensalo.

Pola súa parte, os neurofármacos aplicados aos usos militares poderían mellorar as capacidades de combate dos soldados e debilitar aos inimigos.

Por último, coa neuroimaxe funcional aparece un maior escepticismo na investigación. E é que, malia existiren unha decena de formas de tomar imaxes do cerebro e os seus cambios físicos, os científicos dubidan que se poidan inferir pensamentos da lectura dun escáner.

Iso si, o estudo tamén afronta as posibles problemáticas éticas que poderían xurdir. Comparan o uso militar da neurociencia co das armas químicas e nucleares, e afirman que a medida que se vaia popularizando pódese desenvolver unha conciencia social de rexeitamento destes métodos.

FWWWRANDO