Vieiros

Gaudi, ou Google Audio Indexing, ten o obxectivo de facilitar a busca de vídeos sen necesidade de visionalos enteiros. O que fai é empregar unha tecnoloxía capaz de indexar o son do vídeo para localizar o momento exacto do discurso que o usuario busca.

O funcionamento do Gaudi é moi similar que o do motor de busca de Google. Isto é, o usuario dispón dunha caixa en branco na que tecleará a palabra clave que precisa. Nese momento, o buscador marca en tódolos discursos o punto exacto onde se fai mención a esa consulta.

Polo de agora, o Gaudi, incluído dentro de Google Labs, só permite localizar discursos de vídeos políticos, xa que se está a centrar na campaña electoral estadounidense. No entanto, pronto será posible que se estenda a outro tipo de contidos.

FWWWRANDO