Vieiros

Do equipo de 880 traballadores directos, Fadesa ten na actualidade na sede da Coruña un total de 181 empregados. Outras 28 persoas traballan noutros puntos do país. Segundo os datos do comité de empresa, nesta sede houbo 140 baixas o ano pasado, incluídos 38 traslados a Madrid e 33 externalizacións a outra compañía do departamento de informática. Este ano, 34 empregados perderon xa o posto, e a inombiliaria preparaba un expediente de regulación de emprego que lle afectaría a 60 traballadores.

A compañía, segundo os datos ofrecidos publicamente, conta cun patrimonio inmobiliario valorado nuns 14.800 millóns de euros e actualmente soporta unha débeda de 5.100 millóns. Na presentación de concurso voluntario de acredores decidido polo consello de administración, argumentan "graves" problemas de liquidez. Coa suspensión de pagamentos, a inmobiliaria di querer "garantir a continuidade do proxecto empresarial, saneando e reorganizando a compañía mediante os instrumentos que facilita a Lei Concursal".