Vieiros

As alegacións presentadas polo directivo delegado do Beirasar Rosalía, Francisco Montero, foron desestimadas pola Federación Española de Baloncesto (FEB), debido a que o árbitro do encontro, Sánchez Ardid, declinou revisar as imaxes captadas polas cámaras da Galega que lle enviaran dende Compostela.

Nestas apréciase como a última canastra, a de Bernard Hopkins, que fixo que os donostiarras do Bruesa gañasen, por un só punto, aos composteláns, entra cando xa correra todo o tempo no marcador.

Mais a negativa do colexiado de revisar o documento chegoulle á FEB para rexeitar a impugnación do partido, que deixaba ao Rosalía lonxe da loita polo ascenso á ACB.

Queda aínda a opción de acudir ao Comité de Apelación nun prazo de dez días.