Vieiros

A nova formación nace co obxectivo de "reformular os principios do socialismo galego en conxunción coa ideoloxía nacionalista", contribuíndo a potenciar o labor político do BNG.

Logo de debater e aprobar o regulamento, elixiuse unha Comisión Xestora que ha dirixir a organización até que esta se constitúa formalmente a finais de ano.

No acto de clausura desta primeira asemblea, no que participaron unhas 150 persoas, Antonio Oca, membro da Comisión Xestora, salientou que "este novo proceso recolle os principios ideolóxicos que dende sempre estiveron presentes na forma de entender e exercer a política, dentro do proxecto común do nacionalismo político organizado que é o BNG e que representa: o nacionalismo de esquerdas de carácter socialista e republicano".