Vieiros

Co fin de axudar ás familias con dificultades hipotecarias, os representantes dos ministerios de Economía e Xustiza firmaron na mañá do martes un acordo polo que as operacións de prazo de amortización dos préstamos hipotecarios se realizarán sen custe algún durante un período de dous anos, sempre e cando a entidade e o cliente estean de acordo.

As entidade crediticias comprometéronse a non cobrar comisións por estas operacións, mentres que os notarios e rexistradores eliminarán os aranceis. Os interesados poderán obter máis información sobre trámites e implicacións nas páxinas dos ministerios de Economía e Facenda e Xustiza.