Vieiros

Financiado pola NASA e o Departamento de Enerxías dos EUA, o proxecto Vulcan pretende a través deste estudo, facer un mapa detallado das emisións de CO2 que Os Estados Unidos, mostrando detalles xeográficos e temporais, do patrón de consumo dos combustíbeis fósiles.

O vídeo mostra as emisións de CO2 con 100 veces máis detalle que os análises dispoñíbeis até o momento, xa que os datos aportábanse como máximo unha vez ao mes, mentres que o modelo Vulcan examina as emisións de forma horaria.

Segundo os investigadores, este proxecto pretende afondar no coñecemento do ciclo de vida do CO2, e contribuirá a definir políticas para a redución das emisións.