Vieiros

Galiza conseguiu dúas medallas, unha de prata e unha de bronce, no Open de Alemaña de Taekwondo. Unha delas, a de bronce, foi para José Antonio Andrade, Tin vixente subcampión estatal e taekwondista do Mace Sport de Pontevedra. Tin gañoulle aos representantes de Noruega, Suecia e Alemaña na categoría júnior.

A outra, a de prata, foi para Cora González, que conseguiu o metal após caer na final por un só punto ante a vasca Oihane Camino.

Catro medallas para o Judo, nos estatais
A selección galega júnior conseguiu catro medallas (dous ouros, unha prata e un bronce) no campionato estatal de judo, que se desenvolveu esta fin de semana en Madrid.

Ademais das medallas, Galiza conseguiu clasificar a tres dos seus para o circuíto europeo: Sara Álvarez, Daniel Maquieira e Elda García Miramontes.

As medallas:
Unha de ouro foi para Sara Álvarez, do Judo de Lugo (+78); e a outra para Daniel Maquieira, do Lobeira Villagarcía (categoría +100). A prata foi para Elda García Miramontes, do Riazor Karbo Coruña (-52) e o bronce gañouno Alejandro Sanmartín, do Judo Coruña (-90).