Vieiros

A Federación Galega de Baloncesto (FEGABA) presentou esta cuarta feira a listaxe definitiva dos xogadores que integrarán a Selección "Galicia Xove", combinado sub-20 que participará na Vilagarcía Basket Cup.

A lista definitiva de xogadores galegos que han integrar esta selección, segundo a FEGABA, reúne "xuventude, ilusión e ganas de amosar o bo nivel do baloncesto galego".

Os seleccionados son Alberto Seco Leira (CB Galicia), Enrique Fernández Martínez (ABO), Manuel Fernández González (Basquet Base Club), Fernando Vidal Fernández (Club Basquet Valls), Julio Suárez Da Silva (CB San Rosendo Ferrol), Diego Gómez González (CB PeixeFresco), Alejandro Castells Castaño (Club Joventut Badalona), Pablo González Covelo (CB PeixeFresco) , Pablo Martínez Galdo (CB PeixeFresco), Adrián Rodríguez Ramos (CB Sarria), Antonio Pantín Peleteiro (Real Madrid C D) e Agostiño Reigosa Lombao (CB Cidade de Lugo).

Os veteranos galegos, contra España
No acto de presentación estaban presentes o presidente da Federación, Francisco Martín Micó, o director técnico da Federación Galega de Baloncesto, Aniceto Fernández, e o recentemente nomeado adestrador da Selección "Galicia Xove", Roberto Bouza.

Foi o presidente da federación, Francisco Martín, quen lembrou que na Vilagarcía Básket Cup tamén se vai poder gozar da Selección Galega de Veteranos, que xogará contra a Selección Española de Veteranos o día 19.
Martín anunciou a presenza de Fernando Romay, entre outros nomes ilustres do noso baloncesto, como integrante do combinado de veteranos galegos, mais a listaxe completa de xogadores hase coñecer nos próximos días.