Vieiros

Xuventudes Socialistas de Galicia presentou un novo vídeo que parodia o Partido Popular e enxalza a figura de Zapatero. Na peza, titulada "E ti... que queres ser de maior?" aparecen diversas figuras do PP nunha escola infantil contándolle á mestra o que queren ser de grandes. O vídeo está en galego con subtítulos en castelán.

Marianiño di que quere ser físico "como o seu primo"; Ángel aspira a ser "actor", para que non o pillen cando minta; Manoliño quere ser "cazador", e José Mari, "patriota, escritor e políglota". Con estas actitudes contrasta a de José Luis, que quere ser "presidente e non fallar nunca".

Segundo XSG, o vídeo pretende mobilizar a mocidade de cara ao 9-M e contrarrestar "a crispación" do Partido Popular. Segundo afirmou a secretaria da formación xuvenil, Loli Rodríguez, "non se pretende molestar a ninguén". Tamén anunciou a posta en marcha doutra campaña "en clave de humor" a través de cuñas radiofónicas.