Vieiros

Industria e servizos concentran case sete de cada 10 accidentes laborais (o 68,34%) con 17.660 e 17.802 sinistros, respectivamente. Perto deles aparece a construción, con 13.317. O total: 51.852 accidentes en 2007, fronte aos 48.658 de 2006. Ademais, incrementouse o índice de incidencia nun 1,62%, isto é, a ratio entre poboación afiliada e número total de accidentes, que pasou de 5.771,03 a 5.864,74.

Por provincias, A Coruña e Pontevedra suman 8 de cada 10 sinistros. Na primeira contabilizáronse 21.556 (o 41,57%) e na segunda 20.967 (o 40,43%). Pola súa banda, Lugo rexistrou 4.851 (9,39%) e Ourense 4.458 (8,6%). Desde CCOO advirten de que o incremento se produciu en todas agás en Pontevedra, onde houbo unha pequena redución do 0,53%. En Lugo o aumento da sinistralidade chegou ao 7,22%, en Ourense un 5,93% e na Coruña un 3,93%.