Vieiros

O concerto comezará ás nove e media da noite deste xoves, nun Coliseum que terá un aforo reducido para a ocasión a tan só dúas mil localidades. Alí soarán os ritmos balcánicos da No Smoking Orchestra. O repertorio do grupo centrarase na ópera punk Le Temps des Gitans, coproducida pola Ópera Nacional de París e o Palau de les Arts Reina Sofía de Valencia e inspirada nun dos primeiros filmes de Kusturica, O tempo dos xitanos, polo que recibiu o premio ao mellor director no Festival de Cine de Cannes en 1989.

Kusturica, que en breve presentará o seu vindeiro filme, Promise me this, incluíu á Coruña na súa xira mundial, que ofrecerá na península outros cinco concertos, en Barcelona, Porto, Lisboa, Santander e Madrid.