Vieiros

Só en Galiza máis mulleres que homes aparecen como titulares dunha explotación agraria, un 50,1%, segundo un informe do Ministerio de Agricultura, Pesca e Alimentación, ao que tivo acceso Europa Press.

Segundo o informe do MAPA, a participación das mulleres no grupo de titulares varía entre as comunidades autónomas, aínda que en todas, menos en Galiza, son minoría.Así, os maiores niveis rexístranse nas tres comunidades do Norte, co 50,1% de Galiza á cabeza, seguida polo 44% de Asturias e o 37,8% en Cantabria.

Nun segundo plano, do 25% ao 37% de mulleres titulares están Andalucía, Baleares, Canarias, Castela e León, Castela-A Mancha e Estremadura. No resto, a participación feminina no grupo de titulares oscila entre o 24,6% da Comunidade Valenciana e o 15,6% da Rioxa.